1. |
||||
Esnatu naiz ta ez dut hitzik esateko,
beste egun bati tronbila desegiteko.
Norenbeste naizen asmatzearen jokoan
ausaren jostagarri naizela sentitzen dut,
eta metroan, zuen begiradek sastatzen naute, isilka.
Odolustu banakz xedea suspertzeko,
ametsa iraungi bazait zahartu ahal izateko,
azalean zarakartu zaidan pertsonaia nor da?
Autoerruki likatsuan beratzen zitaldu naiz,
eta hogeitamaika urteren akabuan ez dakit
nor naizen, ezta nora noan
Nola errairik eman
soilik oskol banaiz?
Nola baretu
itsasaldi bortitza?
Santutxuko kale grisek gorde euria,
garondotik isuriaz egia erdiak;
lokaleko hormari aspalditik garrasika nabil
baina ez zaio jaregin eratzunik oraindik.
Nola errairik eman
soilik oskol banaiz?
Nola baretu
itsasaldi bortitza?
|
||||
2. |
Doniene
02:25
|
|||
Espaloi hutsetatik galopan
bizikleten gainean zaldun
airean goaz,
arnasten kresala
Ume hezurtsuen samalda bat
abuztuko goiz erre hontan
aldapan gora,
egarri ikasteko
jatorriko urak edateko
Donieneko arkupeetatik
ur harrotuen sabelera
amiltzen gara,
beldurra hiltzeko asmoz
Garaitezin plantak egiten,
laguntza eskatzeko eskua luzatzen,
ausarik ez dago
Lepo gazi ta aurpegi hezeetan
azalberritzearen egia:
ez gara inoiz izango
izan giren berdinak
|
||||
3. |
Usakabi
03:20
|
|||
Ez dut inoiz gustuko izan aireportua ordu txikietan,
taxien urruma geldoa ta turisten hotsak
Oraindik zu garau bat baino ez, hegan zeru bipilean
Hemen nauzu atarian,
beldur guztiak lepoko
zure begien zain
Ta zure erbeste den hizkuntza zahar hontan
hainbeste nahi nizuke esan...
Distantziaren zerga ankerrak
itzuriaz zatoz nigana,
adio guztien garrama
eztarrian, altzifreetatik behera
Zutik dagit
usakabian errari
zure begien zain
Ta zure erbeste den hizkuntza zahar hontan
nahi nizkizuke eskaini berba ederrenak
eta esan
salbu gaudela
denbora errukigabea
ordaintzen irautetik;
baina egia esan
ziur ez banago
ezertaz
behar zaitudanaz besterik
Ta zure erbeste den hizkuntza zahar hontan
erakutsi nahi dizut moldatu nauten
arroen sakona,
mendien gailurra,
kaleen herstura,
gurpilen karraska
asfaltua urratzean
zure begien zain
|
||||
4. |
Gauza guzti hauek
02:53
|
|||
Ustez tolesgabe,
zuria izatez;
eztabaidan beti
sumin guzti hau agortu arte
Gauza guzti hauek, eta gehiago...
Intelektual antza,
argudio sobera,
ideologia zatikatzeko
mihi zorrotza
Plantaz iraultzaile,
barrutik hutsune,
kamaleoiaren trebetasunez
kolorea aldatzen
Gauza guzti hauek
deskribatzen banaute,
nor naiz seinalatzeko inor?
Arima zurruntzekotan
jakin gogoratzen
enpatiaz jokatzeak
beti merezi duela
|
||||
5. |
Nor naiz
02:43
|
|||
Luze doaz orduak
ezerezaren deman
luze doaz benetan
Ezerezaren deman
agintari eskasa
guda honen abarrotsak
itotzen nau
erantzun
bakarra duen misterioak,
miseriaren muinaren jatorriak
itotzen nau,
erantzun:
nor naiz?
Ahaztu
aldi batez zauriak
momentuan galdu
Memoriaren zingira
antzuan galdu
Eta gogora ekarri
adriano seigarreneko harlauzen lerrokadak
eta autobus paradak eta putzuak
Eta momentu lotsagarri ororen
zigorra bizkarra miazkatzen
Oraindik ez dakit
nor naizen
|
||||
6. |
Abere
04:09
|
|||
Arauen doinuari otzan,
bertsio ofizialaren
eliztar sinesberak;
artaldekeriak doan
opatzen dituen
aitzakien abere
Askatasunaren guru
teoria pitzatuen
ezpalez ahulak sastatzen;
errealitatea tolestuz,
ifrentzuan bilatzeko
irudikerien errautsak
Indibidualismoaren abere
egiarengatiko deman,
lehenengo zartada nork emango;
zurrunduz noa nire mugak
iritzi arrotzek har nazaten baino lehen
ezer sinistu ezinik,
fikzio bat bizitzeko prest.
Iritzirik izateak
duen ordain
zitala
Denok gara beti abere,
bakardadearen abere
|
||||
7. |
Mapa eta lurraldea
02:40
|
|||
Olatuak Egian, farolei miazka
eta Gartxoten hitzak hausnartzen euripean:
“bihotza mahai gainean jartzeko gai
garen aldietan izaten da gardenen dioguna”.
Ta Urumeak ibarretik pasatzean
jaurtitzen dizkidan aparretan
sentitzen dut konfesio nahi bat
Haize boladak Amaiurko gazteluan,
arrano beltzen hegapean,
aurrietan idatziak
hainbesteren patuak
Ipar atzemanaz besterik
ezer izango ote garen
besteen hitzetaz biluztuz
Autoaren epelean goazela
sortzen den isiltasuna
gorazarrez ernari da,
ta Baztango sabeletik irristaka
tximiniei darien kedarretan
sumatzen dut
askatzeko behar bat
Eguzki errea Bermeoko portuan,
iraila odolusten doala,
Iñigoren oroimenez larrosak jaurtitzen
itsasora
Kantauriaren urertzean
uhinei harrika natzaiela igartzen dut
heriotzaren hatsa
lepoan
|
mamu Bilbao, Spain
Emocore from Bilbao, born 2023
Jokin Erkoreka: vocals &
guitar
Jon Txirapozu: guitar & vocals
Alex Erkoreka: bass & vocals
Unai Luzuriaga: Drums
... more
Streaming and Download help
If you like mamu, you may also like:
Bandcamp Daily your guide to the world of Bandcamp